मिति २०८१ भाद्र १४ गतेका दिन चन्द्रागिरि नगरपालिकाको सभाहलमा नगरपालिका कार्यालय र अन्तर्गतका कार्यालयहरुमा कार्यरत कर्मचारीहरुको हाजिरीजवाफ प्रतियोगिता सम्पन्न भएको छ | प्रतियोगिता सहभागीहरुमध्येबाट गोलाप्रथा मार्फत समुह विभाजन गरि जम्मा १० वटा समुह कायम भएका थिए | कुल ४ वटा विधाहरु जनरल राउण्ड, अडियो भिजुअल राउण्ड, बजर राउण्ड, र्यापिड फायर राउण्ड गरि प्रश्नहरु सोधिएको थियो | प्रतियोगितामा यशोदा रायमाझीले नेतृत्व गर्नुभएको समूह पहिलो स्थान, रविन पोखरेलले नेतृत्व गर्नुभएको समूह दोस्रो स्थान र विश्वबन्धु विनयीले नेतृत्व गर्नुभएको समूह तेस्रो  स्थान हासिल गर्न सफल हुनुभएको थियो | कार्यक्रममा नगर प्रमुखज्यू , उप प्रमुखज्यू, नगर प्रवक्ताज्यू, प्रमुख प्रशासकीय अधिकृतज्यू, नगर कार्यपालिका सदस्यज्यूहरु नगर सभा सदस्यज्यूहरु, कर्मचारीहरुको उपस्थिति रहेको थियो |