चन्द्रागिरि नगरपलिका र अन्तर्गतका वडा कार्यालयहरु र नगर क्षेत्र भित्र रहेका विषयगत कार्यालयहरुवाट आ.व २०७६/०७७ को २०७६ माघ मसान्त सम्म भए गरेका विकास निर्माण एवं सेवा प्रवाह सम्बन्धमा नगरस्तरीय सार्वजनिक सुनुवाई मिति २०७६ फागुन १६ गते चन्द्रागिरि नगरपालिका १२ गुर्जुधारा स्थित भेहिकल एकेडेमी एण्ड रिसर्च सेन्टर प्रा.लि, काठमाडौंको प्रांगणमा सम्पन्न भयो |

चन्द्रागिरि नगरपालिकाका नगर प्रमुख श्री घनश्याम गिरिले अध्यक्षता गर्नु भएको उक्त कार्यक्रममा नगर उप प्रमुख, नगर प्रवक्ता, वडा अध्यक्ष एवं नगर कार्यपालिका सदस्यहरु, नगर सभा सदस्यहरु, न्यायिक समितिका पदाधिकारीहरु, स्थानीय समाजसेवी, राजनीतिक दलका पार्टी प्रतिनिधिहरु, पत्रकार, सुरक्षाकर्मी, कर्मचारी, नगरवासी एवं सरोकारवालाहरुको उल्लेख्य सहभागिता रहेको थियो | कार्यक्रममा विभिन्न १८ जना व्यक्तिहरुले विविध बिषयमा जिज्ञाशा राख्नु भएको थियो भने उक्त जिज्ञाशाको सुनुवाई नगर प्रमुखज्यूले गर्नु भएको थियो | कार्यक्रमको सहजीकरण मेट्रो एफ.एम.का संचारकर्मी श्री गोपाल घिमिरेले गर्नु भएको थियो |