चन्द्रागिरि नगरपालिकाले आ.व २०७९/०८० मा बिभिन्न विषयगत शाखाहरुले गरेका काम कारवाहीहरुको बार्षिक समिक्षा कार्यक्रम मिति २०८० भाद्र ३१ गते आइतवारका दिन चन्द्रागिरि नगरपालिकाको सभा हलमा सम्पन्न भएको छ | उक्त वार्षिक समिक्षा कार्यक्रमको अध्यक्षता नगर प्रमुख श्री घनश्याम गिरीज्यूले गर्नु भएको थियो | कार्यक्रममा नगर उप प्रमुख श्री वसन्ती श्रेष्ठज्यू, नगर प्रवक्ता श्री कृष्ण प्रसाद खड्गीज्यू, प्रमुख प्रशासकीय अधिकृत श्री हेमराज अर्यालज्यू, वडा नं १ देखि १५ नं सम्मका वडा अध्यक्षज्यूहरु, नगर कार्यपालिका सदस्यज्यूहरु, नगर सभा सदस्यज्यूहरु, बिभिन्न बिषयगत शाखाका शाखा प्रमुखज्यूहरु, वडा सचिवज्यूहरु, पत्रकार एवं मिडियाकर्मीज्यूहरुको उपस्थिति रहेको थियो |

चन्द्रागिरि नगरपालिकाको १२औं नगरसभा आज मिति २०८० असार ७ गते नगरपालिकाको सभाहलमा बसेको छ, सभाको सभाध्यक्षता नगर प्रमुख श्री घनश्याम गिरीज्यूले गर्नुभएको थियो | उक्त नगरसभामा नगर उप प्रमुख श्री बसन्ती श्रेष्ठज्यू, नगर प्रवक्ता श्री कृष्ण प्रसाद खड्गीज्यू, सभाका सचिव तथा प्रमुख प्रशासकीय अधिकृत जीवन प्रसाद आचार्यज्यू, १ देखि १५ नं वडाका वडा अध्यक्षज्यूहरु, नगर कार्यपालिकाका सदस्यज्यूहरु र १ देखि १५ नं वडाका वडा सदस्य तथा नगर सभा सदस्यज्यूहरुको उपस्थिति रहेको उक्त सभाको कार्यसूचीमा आ.व २०८०/०८१ को नीति तथा कार्यक्रम प्रस्तुत तथा छलफल र चन्द्रागिरि नगरपालिकाको एकीकृत खानेपानि तथा सरसफाई व्यवस्थापन सम्वन्धि बिधेयक, २०८० प्रस्तुत तथा छलफल गर्ने कार्यक्रम रहेको थियो र सो सम्वन्धमा नगर सभाका सदस्यज्यूहरुले आ-आफ्नो विचार व्यक्त गर्नुभएको थियो | उक्त सभाबाट आ.व २०८०/०८१ को नीति तथा कार्यक्रम र चन्द्रागिरि नगरपालिकाको एकीकृत खानेपानि तथा सरसफाई व्यवस्थापन सम्वन्धि बिधेयक, २०८० बहुमतले पारित भएको छ |

आज मिति २०७९/०४/३० गते नगर प्रमुख घनश्याम गिरीज्युको अध्यक्षतामा कलंकी नागढुंगा सडकखण्डमा चल्ने सवारी साधनहरुमा फोहोरमैला ब्यबस्थापन सम्बन्धि सचेतनामूलक अभियान तथा स्टिकर वितरण कार्यक्रम संचालन भएको छ। कार्यक्रमको प्रमुख अतिथिमा प्रहरी नायव महानिरीक्षक मीरा चौधरीज्यु रहनु भएको थियो | उक्त कार्यक्रममा नगर प्रमुखज्युले विभिन्न सचेतनामूलक स्टिकर हस्तान्तरण गरि सार्वजनिक सवारी साधनमा टास्ने तथा सवारी चालकलाई फोहोरदानीको ब्यबस्थापन गर्न गराउन निर्देशन दिने कार्य भएको थियो। कार्यक्रममा नगर उप प्रमुखज्यु, विभिन्न वडाका वडाध्यक्षज्युहरु, कार्यपालिका सदस्यज्युहरु, नगरपालिकाका विभिन्न शाखाका शाखा प्रमुखज्युहरु, फोहोरमैला ब्यबस्थापन गर्ने संस्थाहरु तथा नेपाल प्रहरी, सशस्त्र प्रहरी तथा नेपाल सेनाका प्रतिनिधिज्युहरुको पनि उपस्थिति रहेको थियो।

आ.व. २०७७/०७८ को तुलनामा आ.व. २०७८/०७९ मा लक्ष्य भन्दा बढी राजश्व संकलन गर्ने वडाहरु: १, २, ४, ५, ७, ९, १२, १३, १४ र १५ का वडाहरुलाई सम्मान प्रकट गर्नुहुँदै प्रमुख श्री घनश्याम गिरीज्यू, उप-प्रमुख श्री बसन्ती श्रेष्ठ र प्रमुख प्रशासकीय अधिकृत श्री निरज पौडेल साथमा अन्य कर्मचारीहरु, साथै सवैभन्दा बढी राजश्व संकलन गर्नेमा वडा नं १५ रहेको छ |

आज मिति २०७७ आश्विन २९ गते सेतो छडी दिवसको अवसर पारेर चन्द्रागिरि नगरपालिकाको सहकार्य र राष्ट्रिय अपाङ्ग कोषको सहयोगार्थमा चन्द्रागिरि नगरपालिकाका नगर उपप्रमुख श्री लिशा नकर्मीज्युको अध्यक्षता, नगर प्रमुख श्री घनश्याम गिरीज्युको प्रमुख आतिथ्यता, राष्ट्रिय अपाङ्ग कोषका अघ्यक्ष श्री रमेश लामा , प्रमुख प्रशासिकय अधिकृत श्री राजेन्द्र कार्की तथा नगरपालिकाका अन्य कर्मचारीहरुको उपस्थितिमा अपांगता भएका २८ जना व्यक्तिहरुलाई ४७ थान सहायक सामग्री बितरण गर्ने कार्य सम्पन्न भयो ।

आ.ब. २०७५/७६ का लागि संचालन हुने बिभिन्न आयोजना तथा कार्यक्रमहरुको अनुगमन यस नगरपालिकाका अनुगमन समितिका अध्यक्ष तथा नगर उप प्रमुख श्री लिशा नकर्मी ज्यूको नेतृत्वमा र नगरपालिकाका प्राबिधिक तथा योजना अनुगमन शाखाका कर्मचारीहरुको उपस्थितिमा मिति २०७५/१०/२३ र २५ गते वडा नं ३, ४ र १२ मा सम्पन्न भएको छ साथै सो अनुगमन निरन्तर  रुपमा अन्य वडाहरुमा पनि जारि रहने छ |

छैटौं बिश्व स्वास्थ दिबसको अबसरमा बलम्बु १२ नं वडा स्वास्थ केन्द्रको ईन्चार्ज सीता बानियाज्यूको संयोजकत्व र चनपाका मेयर आदरणिय घनश्याम गिरीज्यूको प्रमूख आतित्थयमा छौठौं सरसफाई कार्यक्रम सम्पन्न भयो।ऊक्त अबसरमा नगर प्रमूख लगायत सहभागि संपूर्ण नगर वडा स्वस्थ केन्द्रका ईन्चार्जज्यूहरू, कर्मचारीहरू,१२ नं वडाका जनप्रतिनिधिहरू वडाबासि सर्बसाधारणहरू सफाईमा प्रत्येक्ष सहभागि हुनु भयो।

यस चन्द्रागिरी नगरपालिकाका उपमेयर ज्यू, वडा अध्यक्ष ज्यू, प्राविधिक तथा कर्मचारीबाट चन्द्रागिरी नगरपालिका वडा नं.४, थानकोट स्थित बसपार्क देखि ढोकसी सम्मको बाटो ढलान आयोजनाको अनुगमन भएको छ ।।

धुलिखेलमा आयोजित नगरपालिका कर्मचारीहरुको लागि स्थानीयतह संचालन सम्बन्धि कानुनी व्यवस्था र भूमिका एवं नेतृत्व विकाश तालिमका केहि झलकहरु

यस नगरपालिकाका नव निर्वाचित नगर प्रमुखज्यू, नगर उप प्रमुखज्यू, वडाध्यक्षज्यूहरू तथा सदस्यज्यूहरुको सपथ ग्रहण कार्यक्रम

आव २०७२।०७३ सालको तेस्रो सार्वजनिक सुनुवाई कार्यक्रम मिति २०७३।०३।३० गते नैकाप फुटवल ग्राउण्डमा सम्पन्न भएका केहि झलकहरु